Су жетпейін демейді,
Жар жеткізбейді.
Ер жетпейін демейді,
Мал жеткізбейді.

Түпкі айылдын батқанын
Ійесі білмес, ат білер.
Ер жігіттің қадірін
Ағайын білмес, жат білер.

Тауекел тау жығар.

Ер бақыттың
Конғанын білмейді,
Ұшқанын біледі.

Айла алтау,
Ақыл жетеу.
Айла мен ақыл қосылса,
Алдырмайтын екеу.

Көпті жамандаған
Көмусіз қалар.

Ақылсыз адам айқай келеді,
Жан-жағын жайпай келеді.
Ақылды адам жай-жай келеді,
Жан жагын байқай келеді.

Берекесі кеткен ауылдың
Айтқаны өсек болар,
Аңдығаны төсек болар.
Берекесі кірген ауылдың
Айналдырғаны шаруа болар,
Еккені тары, жегені жарма болар.

Ұлтарақтай болса да
Ата қонысы жер қымбат.
Ат төбеліндей болса да
Туып өскен ел қымбат.

Ағаш тамырымен мықты.
Адам дос-жарымен мықты.

Жолдасы жоқ жігіттің
Олжасы жоқ.

Жаман жолдастан,
Жақсы дұшпан артық.

Ас адамның - арқауы.

Бауыр шырын, бас тәтті,
Ағайынмен ішкен ас тәтті.

Пышағы бар, сүйгенін жер,
Пышағы жок, тигенін жер.

Тарта жесең, тай қалар,
Қоя жесең, кой қалар,
Қоймай жесең, не калар?!

Өле жегенше,
Ағайынмен бөле же.

Аз қайғыны ас басады,
Көп қайғыны дос басады.

Жылқының етін жесең,
Тісіңе кіреді,
Жемесең түсіңе кіреді.

Аз ғана асым,
Даусыз басым.

Денің сау болса,
Жарлымын деме.
Жолдасың көп болса,
Жалғызбын деме.

Ермек қуған,
Палеге жолығады.
Еңбек қуған,
Қазынаға жолығады.

Жақсыдан жаман туса,
Емі табылмас.
Жаманнан жақсы туса,
Теңі табылмас.

Жақсы жігіт сапардан:
Елін аңсап қайтады,
Алдына мал салып қайтады.
Жаман жігіт сапардан:
Пістесін шағып қайтады,
Қалтасын қағып қайтады.

Жақсыны арман оздырар,
Жаманды құлқын тоздырар.

Жақсы әйел,
Жаман еркекті би етеді.
Жаман әйел,
Жақсы еркекті құл етеді.

Жақсының соңынан көп ереді.
Жаманның соңынан шөп ереді.

Жақсының жақсылығын айт,
Мейірі тасысын,
Жаманның жамандығын айт,
Құты қашсын.

Жаман адам кетсе,
Дүние кеңіп қалғандай болады.
Жақсы адам кетсе,
Дүние кеміп қалғандай болады.

Жақсы жігіт
Ағайынның басын қосады.
Жаман жігіт,
Жақсы ағаның жолын тосады.